Барысы турында да кыскача

Метрәй авыл мәдәният йортында оештырылган "Шатлык" балалар театры балалар театрлары конкурсында катнашып, 3 нче урынга лаек булдык. 5 нче январь көнне спектаклебезне район сәхнәсендә куйдык. Безгә диплом һәм кинотеатрга сертификат тапшырылды. Әлеге спектакльдә мин Мәңге хан ролен башкардым. Әлеге җиңүебезгә мин бик шат!

Шулай ук җиңү яулаган башка театрларның да спектакльләрен карадык.

Хочу с вами поделиться своим дипломом за победу в конкурсе "Самый активный пользователь портала" Культурный дневник" . Я очень рад и с нетерпением жду Президентской елки.

Авылыбыз мәдәният йортында эшләүче " Шатлык" балалар театрына йөрүемне әйткән идем инде. Әзерләгән "Мәңге хан" спектаклен район үзәк китапханәсендә куйдык. Ул "Пушкин картасы проекты кысаларында үткәрелде. Безнең спектакль барысына да бик ошады.

Г.Тукай исемендәге Мөслим урта мәктәбе музее мәгарифкә багышланган. Керү юлында ук менә шушы матур шигырь юллары каршы ала.

Мәдрәсә шәкертләре менә шушылай укыганнар.

Ә монысы совет чоры мәктәбе күренеше. Минем әтием белән әнием дә шушындый парталарда утырып укыганнар.

Районыбызның балалар сәнгать мәктәбенә узган ел капиталь ремонт ясалды. Анда күп юнәлешләр буенча белем алырга мөмкин: җыр, бию, оркестр, рәсем сәнгате, әвәләү, театр, халык уен кораллары һәм башкалар. Әлеге мәктәптә шөгыльләнүче балалар төрле конкурсларда катнашалар, төрле чараларда чыгыш ясыйлар.

Мөслимдәге мәктәпләрнең берсе Г.Ткай исемен йөртә. Ул чын татар мәктәбе.Мәктәп каршына урнаштырылган баннерлар да гади генә түгел, менә шушындый үзенчәлекле. Аларда Г.Тукай әсәрләреннән өзекләр язылган.Мәктәп янында ачык һавада китапханә дә бар. Үзең укыган китапларны бирегә китереп, укыйсы килгән китапларыңны алып китәргә мөмкин. Минем абыем Рафиль дә әлеге мәктәптә укый. Анда класслар да гади генә түгел, малайлар һәм кызлар аерым укый. Фәнни телдә әйтсәк, гендерлы укыту.

"Офык" мәктәптән тыш эшләр үзәге 2017 нче елда капитал ремонт уздырылган бинага күчте. Әлеге үзәктә робототехника, авиатехника, инглиз теле, блогер һәм башка түгәрәкләргә йөрергә мөмкин.
ү



Әлеге түгәрәкләргә йөрүче балалар төрле матур сувенирлар ясыйлар, видеофильмнар төшерү серләренә өйрәнәләр, шулай ук блогер профессиясе үзенчәлекләрен дә өйрәнәләр.
о


Шулай ук биредә төрле конкурслар һәм бүләкләү тантаналары да уза.

Метрәй авылы мәчете Гаффаров Исмәгыль абый хөрмәтенә Исмәгыйль мәчете исемен йөртә. Аның улы Гаффаров Рөстәм әтисе хөрмәтенә салдырган мәчет ул.
Гаффаров Рөстәм Исмәгыйль улы 1947 елның 2 гыйнварында Татарстанның Мөслим районы Метрәй авылында туган. 1972 елда «инженер-технолог» белгечлеге буенча Казан химия-технология институтын тәмамлаган. 1964-1965 елларда Метрәй урта мәктәбендә укытучы булып эшли. 1965-1967 елларда ВЛКСМның Мөслим район Комитеты оештыру бүлеге мөдире вазифасын били. 1972-1976 елларда КПССның Чаллы шәһәр Комитеты оештыру бүлеге инструкторы булып эшли.
1990-1999 елларда Чаллы хакимияте башлыгы урынбасары һәм вице-мэр була. 1999-2005 елларда Гаффаров Менделеевск районы хакимияте башлыгы вазифасын били. Икенче чакырылыш ТР Дәүләт Советы депутаты итеп сайлана. Ни кызганыч, нибары 74 яшендә ул вафат булган. Ә ул төзеткән мәчет, аның якты истәлеге булып, авылыбыз халкына хезмәт итә. Мин дә әтием һәм абыйларым белән бәйрәмнәрдә намаз укырга барам. Ә бүген әнием белән мәчеткә кереп, хәер салып чыктык.

Метрәйлеләргә чын-чынлап, театр җене кагылган. 1993 елда, үзешчән коллектив буларак оешып, Метрәй урта мәктәбенең өлкән буын укытучылары Мирзанур Галимов, Шәмсия Фәһимова, Энҗе Корбыева катнашында Ф. Яруллинның "Мәхәббәт яңгыры" комедиясен сәхнәләштерә. Әсәрне мәктәпкә кайтып кына эшли башлаган яшь белгеч Синара Яббарова сәхнәгә куя. Шушы елдан башлап, театр коллективы һәр елны үзләренең чыгышларын авыл халкына һәм район тамашачыларына тәкъдим итә башлый .Ф. Садриевның "Кондырлы кодачасы", Ю. Әминовның " Язылмаган законнар" драмасы, З. Хәкимнең "Килә ява, килә ява", Х. Вахитның "Талак, талак" комедияләре,Т. Миңнуллинның "Сөяркә" драмалары тамашачы аеруча яратып карый. 2000 елда алар Ф. Садриевның " Безнең авыл кызлары" драмасы белән Актанышта үткәрелгән халык театрлары фестиваленең зона турында чыгыш ясый һәм жюри тарафыннан югары бәя ала. 2002 елда коллективка Халык театры исеме бирелә. Ә менә режиссерлык вазыйфасын сәхнә диеп хыялланучы Синара Ягъфәровнага тапшыралар.
Бүгенге көндә театрның режиссеры - Фәридә Яббарова. Ә Синара Ягъфәровна район мәдәният йорты режиссеры буларак жюри члены иде. Бүген әлеге театр коллективы Айгөл Әхмәтгалиеваның "Күз нурларым" драмасын тәкъдим итте.


Спектакль миңа бик ошады, тамашачылар да югары бәя бирделәр.

Яңарыш" микрорайонында күләмле "Курай" паркы төзелде. Паркның нәкъ балалар сәнгать мәктәбе территориясендә урнашуы очраклы түгел. Җыр-моң символы булган курай исемен бирү дә бик отышлы вариант.
Балалар сәнгать мәктәбе янында 8600 квадрат метр җирдә җәяүлеләр брусчаткадан юллар төзелгән, чуерташ түшәлгән, үз техникасы белән килгәннәргә өч җирдә машина калдырырга каты өслекле урын ясалган. Баскетбол, волейбол, мини-футбол мәйданчыклары булдырылып, алар спорт инвентарьлары белән 95 %ка җиһазланган. Ачык һавада тренажер мәйданчыгы да эшли. Чәчәкләр, куаклар утыртылган. Алар сугару системасына көйләнеп, җәйге эсселәрдә һәрчак дымга туенып торалар. Юкә, каен, миләш утыртылган. Сәхнә ясалган, тамаша караучылар өчен ярымтүгәрәк рәвештә утыргычлар урнаштырылган. Кирәк вакытта бу урын бию мәйданчыгын алыштыра. Балалар мәйданчыгы ике яшь төркеменә карап - бик кечкенәләр һәм урта яшьтәгеләрнең мәнфәгатьләрен кайгыртып ясалган. Өлкән буын вәкилләре өчен өстәл уеннары уйнарга мөмкинлек тудыралган