Барысы турында да кыскача

Безнең Мөслимдә күргәзмәләр күп эшли.Шуларның берсе - районыбызның үзенчәлекле шәхесе сынчы Имамов Илисәй Имам улының күргәзмәсе. Илисәй Имамов 1932 нче елда Мөслим районы Баланны авылында туган. Шофер, хисапчы,токарь, сварщик, умартачы.Казанда һәм Мәскәүдә халык иҗаты күргәзмәләрендә катнашып, халык ихтирамын яулады. Ике мәртәбә лауреат дипломнарына лаек булды. Таштан куелган карт сыны Мәскәүдә узган күргәзмәдә катнашып, дипломга лаек булды. И.Имамов читтән торып Мәскәүдәге халык сәнгате университетын тәмамлый. Туган авылында Бөек Ватан сугышында һәлак булган авылдашлары истәлегенә һәйкәл иҗат итә.Шундый ук һәйкәлне ул күрше Михайловка авылында да ясый.



Әлеге күргәзмә инде бер ел дәвамында эшләп килә. Аңа даими рәвештә яңа сыннар өстәлеп тора. Зур яшьтә булуына карамастан, Илисәй абый һаман иҗат итә.

Мөслим мәдәният йортында Мөслимгә багышланган картиналар галереясы ачылган. Анда экскурсиядә булып, районыбызның оста фотографларының эшләре бедән таныштым. Безнең туган ягыбызның табигате искиткеч матур, ә шул матурлыкны фотолар аша күрсәтә белү өчен зур сәләт кирәк.

Мөслим матбугат үзәге районыбыз кешеләрен яңалыклар белән генә таныштырып калмый, ә безнең мәкаләләребезне бастыра, безнең янга репортажлар әзерләргә килә , хәтта конкурслар да уздыра. "Авыл утлары" газетасына кошларга ярдәм итүебез турында мәкалә җибәргән идем, алар безгә кунакка килделәр. Кошларга ничек ярдәм итүебез турында репортаж әзерләделәр. Үзеңне телевизордан күрү шундый рәхәт икән! Мәкаләбез дә газета битләрендә басылып чыкты.
Алар үткәргән "Туган телем - иркә гөлем" конкурсында да җиңү яуладым.

Район үзәк китапханәсенә бик яратып йөрим. Әлеге китапханә ик заманча, зур бинага урнашкан. Китап фонды да бик зур, кечкенәләр өчен дә, зурлар өчен дә китаплар күп. Укырга яңа китаплар алам, алар үткәргән конкурсларда катнашам.


Ә фераль аенда Муса Җәлилнең туган көненә багышлап уздырылган "Моабит дәфтәрләре" конкурсында Муса Җәлил шигырен сөйләп, 2 нче урын алдым.

Мин район мәдәният йортында эшләүче театр түгәрәгенә йөрим. Безнең режиссерыбыз Синара Ягъфаровна бик талантлы.


Быел мин "Йолдызлык" фестиваленең район турында 3 нче дәрәҗә диплом белән бүләкләндем.

Әлеге уңышымда Синара Ягъфәровнаның өлеше зур. Катнашу белән бергә, бик матур концерт та карадым. Районыбызда сәләтле балаларның күплегенә сокландым.

Мәктәбебездә туган тел көне узды. Без төрле биремнәр эшләдек, шигырьләр сөйләдек. Туган телебезне саклыйк!

Китап укучы кыз сыны район үзәк китапханәсе каршына урнаштырылган. Балаларны китапханәгә чакырып,каршы алып тора ул. Әлеге сын миңа бик тә ошады.

Мин даими рәвештә газета - журналлар белән хезмәттәшлек итәм. Мәкаләләр язам, рәсемнәремне җибәрәм, алар үткәргән конкурсларда катнашам. Бу юлы исә кошлар турында, кышын аларга авыр икәнлеге һәм ярдәм итәргә кирәклеге турында яздым. Җимлекләр ясыйк, дусларым, кошлар безгә рәхмәтле булыр.

Мөслим район мәдәният йортында яңа ел әкият-тамашасы булды. Шундый матур әкият булды ул! Яхшылык явызлыкны җиңде, кыш бабайның сихри көче дә ярдәм итте. Әлеге әкият- тамашаны район мәдәният йорты хезмәткәрләре әзерләгән иде. Безне куандырганнары өчен зур рәхмәт алльарга!

Яңа ел бәйршмнәре дә шаулап узып китте. Быелгы бәйрәм минем өчен аеруча истәлекле булды. Чөнки мин Президент елкасына бардым! Шундый күңелле булды!