Авылым һәйкәлләре

2015 нче елның 9 маенда Бөек Җиңүгә 70 ел була. Безнең мәдәният йорты каршында 2 һәйкәл куелган. Сугышта үлеп калган авылдашларга һәм тыл хезмәтчәннәренә.
Авылыбыздан Бөек Ватан сугышына бик күп кеше киткән. Әмма, кызганычка каршы, аларның якынча 240 гы кире үз туган туфрагына кайту бәхетенә ирешми. Аларның исемнәре мәңгелеккә безнең күңелләребездә сакланыр, дип әйтәсе килә. Чөнки алар бүгенге буынның тынычлыгы өчен көрәшеп, үз башларын сугыш кырларында салганнар. Яшь буынга сабак булсын, аларның исемнәрен укып мәңгегә хәтерләрендә сакласыннар иде. Бәлки, кемнәрдер үз бабаларын, туганнарын да табар. Мәңгелек дан аларга! Авыр туфраклары җиңел булсын!