Ватаным

Ватаным

Татарстан- зур Ватаным,

Карилем – нәни Ватан.

Туган җирем бигрәк матур,

Шуңа өзелеп яратам.

Тирә ягы иркен кырлар,

Шаулап үсә игеннәр.

Ишетелә дәртле җырлар,

Сакта тора имәннәр.

Халкым теле – татар теле,

Җанга якын, газиз тел.

Өйрәтә мине әбием:

“Халкыңның кадерен бел!

Егет кеше тиеш, — ди ул,

Туган илен сакларга.

Туган җирне, туганнарны

Дошманнардан якларга”.

Тиздән мин дә зур үсәрмен,

Илгә хезмәт итәрмен.

Ватанымның басуларын

Чәчәк-гөлгә бизәрмен.