Наил Касыйм "Нинди гузэл, матур минем халкым!"

Наил  Касыйм.

Нинди гүзәл, матур минем халкым.

Нинди гүзәл, матур минем халкым,

Сәхнәләргә килеп чыга балкып.

hай  кызлары, сылулардан-сылу,

Эх егетләр, бәхет татар булу.

Нинди гүзәл, матур минем халкым,

Күз карашы күӊелемә якын.

Талантка бай һәрбер кызы, улы,

Җырларында сандугачлар моӊы.

Нинди гүзәл, матур минем халкым,

Гореф-гадәт, йолалары алтын.

Бәйрәмнәре нинди олы аныӊ,

Сабантуе әйләнә җир шарын.

Нинди гүзәл, матур минем халкым,

Кызлары – КОЯШ, егетләре – ЯЛКЫН.

Дәүләт тоткан хәтер бар канында,

Исеме зур, эзле җир шарында.

Нинди гүзәл, нинди матур халкым.

Яшәр мәӊге җир йөзендә балкып!