Авылдашым белән горурланам

Бүген, ягъни  14 апрель көнне авылдашыбыз язучы-прозаик  Хисам Нуретдин улы Камаловка 90 яшь тулды.  Авылыбыз мәдәният йортында без аның шушы зур юбилеен билгеләп үттек. Бәйрәмгә районыбыздан язучылар да килде. Бүгенге  көндә Хисам Камалов Казан шәһәрендә яши, урын өстендә ята. Без  экранда аның белән очрашу вакытында төшерелгән видеоязманы карап үттек, аның шигырьләрен яттан сөйләдек, җырлар җырладык, биедек. Мин шундый танылган, бөек язучының минем авылдашым булуы белән горурланам, аңа сәламәтлек, озын гомер телим!