Фасыйл .Эхмэтов.

Күренекле композитор Фасил Әхмәт улы Әхмәтов 1935 елның 23 маенда Татарстанның Кукмара районы Салтык Ерыклы авылында туа.Әхмәтовлар гаиләсе 1946 елда Саба районыньң Лесхоз бистәсенә күчеп килә. Килгәч тә алар баракта яшиләр. Аннан сон яна йорт салып шунда күчәләр. Әтисе Әхмәт бухгалтер булып эшли, әнисе өйдә балалар тәрбияли. Фасил 5,6,7 нче сыйныфларны Лесхоз мәктәбендә укый. Мәктәптә ул иң яхшы гармунчы, кичәләрне оештыручы һәм башлап йорүче була. Укуда да бик сынатмый, яхшы билгеләре генә ала. Ул укыган класста 18 бала укый, класс җитәкчесе булып Вахитов Хәй Вахитович була. Фасил белән бер класста укыган, Югары Оштырма авылы кызы, Люция исемле кыз белән бик дус була. Аңа багышлап “Люция” исемле җыр да яза, ә якын дусты Мәгсүм Латифуллин аңа шигырь яза.1988 елда Ф.Әхмәтовка соңгы еллардагы әсәрләре, симфониясе һәм «Мин гармун булсам иде» исемле җырлар җыентыгы өчен Татарстанның Г.Тукай исемендәге Дәүләт бүләге бирелә.
ТАССР һәм РСФСРның атказ. сәнгать эшлеклесе (1977, 1981), РСФСР һәм ТРның халык артисты (1993,1995). Төп әсәрләрең симф. поэма (1969), симфония (1976),фортепиано һәм оркестр өчен (1988), скрипка һәм оркестр өчен (1991) концертлар, кыллы квартетлар, камера-инструменталь әсәрләр, 130 дан артык җыр һәм романс, драма спектакльләренә музыка. РСФСРның М.И. Глинка исем. һәм ТАССРның Г.Тукай исем. Дәүләт бүләкләре лауреаты (1975,1988).

1952 елда Лесхозның 7 еллык мәктәбен тәмамлап, көз көнендә Казанга китеп музыка училищесына укырга керә.

1957-1962 елларда Ф.Әхмәтов Казан дәүләт консерваториясенең теоретик композиция бүлегендә профессор А.С.Леман классында укый. Консерваторияне тәмамлагач, ул – Татарстан радиосының музыкаль тапшырулар редакциясендә өлкән редактор. Аннары консерваториядә аспирантурада укый һәм шунда үзе дә дәресләр алып бара. 1975 елда аны Татарстан китап нәшриятына музыка редакторы итеп чакыралар.
Ф.Әхмәтнең халык арасында таныла башлавы аның консерваториядә укыган елларына туры килә. Бер-бер артлы радиодан, эстрададан аның җыр һәм романслары яңгырый башлый. Фортепьяно өчен язылган сонатинасы белгечләр тарафыннан татар музыкасында новаторлык әсәре дип билгеләнә. Аеруча композиторның беренче кыллы квартеты шөһрәт казана. Бу әсәр, бөтен дөньяга мәшһүр А.Бородин исемендәге кыллы квартет репертуарына кереп, безнең илдә генә түгел, чит илләрдә дә башкарыла.

Алга таба да Ф.Әхмәтов камера музыкасы өстендә күп, нәтиҗәле һәм уңышлы эшли