Шарифуллина Тансылуның мәдәни көндәлеге

Без бүген һава торышының яңгырлы булуына карамастан, әни белән Кол шәриф мәчетендә бардык. Мәчет эчендә ислам мәдәнияте музее да урнашкан. Ислам мәдәнияте музее – «Казан Кирмәне» музей-тыюлыгының бүлекчәсе.
Музей экспозициясендә төрки телле кулъязмалар һәм басмалар, Алтын Урда чорындагы керамик эшләнмә үрнәкләре, XIV-XV гасырларда Кирмәндә урнашкан Нур–Гали мәчете макеты, XIX гасырга караган Коръән һәм башка кызыклы экспонатлар бар.
Әнием миңа динебез тарихын, гореф гадәтләребез, без татарларның килеп чыгышлары һәм тагын бик куп кызыклы һәм мавыктыргыч фактлар сөйләде. Бүгенге мавыктыргыч сәяхәтебез миңа бик ошады.
[] [] []

Хәерле коннәр. Минем исемем Тансылу. Миңа 7 яшь. Мин быел Казан шәһәрнең 90 гимназиясен беренче сыйныфына укырга кердем. Шушы көндәлегендә сезне Казанның, Теләче районының тарихи, матур урыннары белән таныштырып барырга тырышырмын.
Сентябрьнең беренче атна ялында мин әнием белән авылга кайттым. Безнең авыл Теләче районына карый. Районыбыз искиткеч матур җирдә урнашкан. Анда менә ничә ел инде Туган авыл кафесы янында зоопарк эшләп килә. Авылда бәрәңге алып, эшне тәмамлагач, әниләр безне шунда алып барды. Зоопаркта йомшак куяннар, керпе малайлары, горур аккошлар да бар. Аккошлар рәхәтләнеп кафе янындагы күлдә йөзеп йөриләр. Шунда ук әкияттән качкан кайбер әкият геройларын да күрергә була. Шулай ук төрле-төрле агачлар да бик куп анда. Андагы матурлыкны һәркемгә барып күрү кирәк. Безгә бик тә ошады.