Авылым мәдәният йортына сәяхәт

Татар халкы элек — электән җырга, моңга бай булган. Ул үзенең күптөрле хасиятләрен милли уен кораллары аша чагылдырган. Көмеш телле татар гармуннары халыкның тормышында аерым урын алып тора. Гармунчының урыны һәрчак түрдән: йөрәктә дә, туй мәҗлесендә дә, бәйрәмнәрдә дә. Татарларда электән гармунчысыз авыл булмаган. Яшьләрнең аулак өйләре, кичке уеннары берсе дә уен-җырсыз, гармунсыз үтмәгән. Сугыш вакытында да гармун тарта белүче гармун кадәр генә бәләкәй малай авылда иң кадерле зат булган. Аны әнисеннән ялынып сорап, кышкы кичләрдә, кадерләп, чанага утыртып алып китеп, китереп куйганнар. Иң авыр, иң караңгы көннәр дә халыкны гармуннан аера алмаган.Авылыбыз мәдәният йортында да гармуннар, баяннар бик күп. Алар шундый матур! Минем дә гармунда уйнарга өйрәнәсем килә.