Килдебәк авылы Ихлас мәчете

Саба районы Килдебәк авылына 1842 елда беренче мәчет салына. Анда мулла булып Хаҗиәхмәт Фәрхетдин Шәрхемулла улы тора. 1891 елда мәчет туку фабрикасы белән яна. Икенче мәчет 1914 елда Исмагил бай акчасына салына. Бер үк вакытта мәдрәсә дә эшләнә. Ул 1924 елга кадәр дини мәдрәсә нигезендә эшли. Аннан соң ул
күчерелеп интернат итеп салына, шул вакытта балалар шунда торып укый башлыйлар.Хәзер инде ул здания юк, сүттеләр. Икенче мәчеттә 1918-1924 елга кадәр Каюм мулла була, 1924-1931 елларда Сөләйманов Сәгыйть мулла була. 1931 елда Сәгыйть мулла Низаметдин атлы бай белән авылдан куыла. 1931 елда мәчет эшләүдән туктый, зданиесе мәктәпкә бирелә. 1991 елда иске авыл советы бинасы мәчет итеп бабайлар карамагына бирелә. Озак еллар авылда муллалык гамәлләрен Фәттәхетдинов Гаялетдин,Шакирҗянов Дәүли абыйлар алып алып бара. Алга таба өлкәннәребез Шакирҗянов Дәүли, Зарипов Тимербай һәм “Октябрь” күмәк хуҗалыгы рәисе Мәүлетов М.Х. җитәкчелегендә яңа мәчет төзелеп 1999 елның 26 июнендә авылның мөхтәрәм картларына тапшырыла. Мәчетебезнең исеме “Ихлас” булып анда имам-хатыйп вазифаларын Зарипов Тимербай үти, хәзерге вакытта мәчетебездә имам булып Загидуллин Нияз Наил улы тора. Шулай ук мәчеттә абыстайларыбыз балаларга һәм өлкәннәргә дин сабаклары өйрәтәләр.