"Әдәби алан-2025"

Хәерле имин көннәр.
Безнең Саба районында да китапханәләр тарафыннан бик күп кызыклы маттур чаралар уздырылып барыла. Мин исә, үз чиратымда ул чараларда гел катнашып барырга тырышам. Менә шундый чараларның берсе "Әдәби алан" проекты. Монда катнашу өчен, Саба китпханәсенең ВК битендә чара барышында чыгып барган биремнәрне дәфтәргә эшләп бару кирәк. Һәм барлык биремнәр эшләнеп беткәч финалистлар исемлеген билгелиләр дә. безне, чарага чакыралар. Менә шул,
21 декабрь көнне Саба район мәдәният йортында,Саба үзәк китапханәсе оештырган "Әдәби алан-2025" проектына йомгак ясалды. Без,район мәдәният йорты хезмәткәрләре тарафыннан куелган, "Тылсымлы сандык" әкияти тамаша карадык. Саба үзәкләштерелгән китапханәләр системасы директоры Билалова Ләйсән Рәкыйп кызы проектта катнашучыларны бәйрәм белән котлап, теләкләрен җиткерде.
Чара кече залда чыршы тирәли җыр, биюләр белән тәмамланды. Һәр катнашучы истәлек фотога төштеләр.