Апрель ае - Тукай ае. Шул сәбәпле, аның иҗаты, тормыш юлы турында белемнәребезне арттырыйк, мәгълүмат туплыйк. Халкыбызның бөек шагыйре Габдулла Тукай үзенең иҗатын өлкән буынга гына түгел, ә нәни дусларына да багышлый. Аның балалар өчен язылган мәсәлләрендә, әкиятләрендә сабак, нәсыйхәт ята.
Г.Тукай татар әдәбияты күгендә янган йолдызларның иң яктысы. Гөмере кыска булса да язучы бик күп әсәрләр иҗат итәргә өлгергән. Ул калдырган иҗат мирасы безнең горурлыгыбыз. Балалар аның әкиятләрен даими укыйлар.