Баланлы авылы китапханәсендә

Мин китапханәгә йөрергә бик яратам.Безнең китапханәдә китаплар бик күп,матур итеп бизәлгән,
эчтәлекле стендлар эленеп тора.



Минем энем Ислам да китаплар укырга ярата.Без икәүләшеп
китапханәгә йөрибез.Без сораган китапларны Венера апа бик тиз табып бирә.Китап-белем чишмәсе ул.Шуңа күрә мин күберәк укырга,тирәнтен белем алырга тырышам,илебезгә лаеклы,кирәкле кеше булып чыгарга хыялланам.
Мин Габдулла Тукай ,Муса Җәлил шигырьләрен укырга яратам.Муса Җәлил шигырьләрен бөтен дөнья укучылары зур соклану белән укый.”Моабит дәфтәрләре”шагыйрьне әдәбиятның бөтен дөнья орбитасына алып чыкты.
Җәлил шигырьләре халыкның рухи дөньясына яңа байлык өстәде,әдәбият мирасына кыйммәтле
хәзинә булып керде һәм шагыйрьгә үлемсезлек алып килде.Шагыйрьнең үз сүзләре белән әйтсәк:
Туфрак күмәр тәнне ,күмә алмас
Ялкынлы җыр тулы күңелне.
Үлем диеп әйтеп буламы соң,
Җиңеп үлгән мондый үлемне!
Муса Җәлил дә үзенең шигырьләре белән безнең белән бер сафта атлый.Ул бездә матур һәм яктытойгылар тәрбияли,кешеләрдәге,тормыштагы матурлыкны күрергә һәм шул матурлык өчен көрәшергә чакыра.
Без китапларны яратыйк,аларны күз карасыдай саклыйк һәм күберәк укыйк!