Сабантуй – татар халкының яраткан бәйрәме

Шатлыклар – күңелебездә.
Ал кояш – күгебездә.
Килегез, дуслар, кунакка,
Сабан туй бүген бездә!

Иң уртага утырканнар
Иң озын бер колганы –
Колганың да бик тиз генә
Менеп булмый торганы.

Җиңгиләр биреп җибәргән
Бизәкле бүләкләрен,
Ә малайлар көрәшергә
Сызганган беләкләрен!

Ә кызлар киеп чыкканар
Иң матур күлмәкләрен.
Латыйп бабай төяп килгән
Иң ныклы чүлмәкләрен.

Абыйлар алып килгәннәр
Иң җитез юртакларын.
Гармунчылар алып чыккан
Җырларнын уртакларын.

Җилферди чиккән сөлгеләр.
Бүләкләр – күбебезгә!
Көрәшик тә, узышыйк та –
Сабантуй бүген бездә!






Сабантуй Татарстанда июнь аенда башта авылларда, аннары шәһәрләрдә үткәрелә. Бәйрәм зур мәйданда уза. Сабантуй ат чабышыннан башлана. Аннары мәйдан уртасында малайлар, егетләр һәм ирләр көрәшәләр. Көрәштә җиңүче Сабантуйның батыры була. Аңа тәкә бүләк итәләр . Сабантуйда бик күп көлкеле ярышлар да була. Сабантуй – бу туганнар өчен очрашу бәйрәме дә. Менә нинди күңелле бәйрәм сабантуй!