Кыяны да җиңәбез!

Кышкы каникулларда без гаиләбез белән Яр Чаллыга бардык. Актанышка иң якын шәһәрләрнең берсе ул. Әни алдан ук белешеп, "Эверест" скалодромына (кыяга менү) билетлар алып куйган иде. Мин башта бераз куркып торсам да,соңыннан ошап китте: кыя шикелле итеп эшләнгән стенага тотынып менәр өчен кечкенә генә ташлар беркеткәннәр. Ике куллап шуларга тотынсың, аякларың белән дә шуларга басасың һәм, әйдә, өскә үрмәлә! Рәхәтләндем генә!