Цирк! Цирк! Цирк!

Быел Казан циркы төзекләндерелеп, кабат эшли башлады. Аның ачылышына күпбалалы үрнәк гаилә буларак безне дә чакырдылар. 16 март иде ул. Рөстәм Миңнеханов бездән ике рәт кенә алда утырып карады аны, ышанасызмы?! Бөтен бала-чага аның янына фотога төшәргә җыелды. Ул барысы белән дә төште, елмаеп сөйләште. Мин генә, кыюсыз, оялдым, бармадым. Аның каравы, цирк искиткеч шәп булды! Хайван-җәнлекләр дә, акробатик номерлар да күп иде. Шулай да миңа иң ошаганы клоуннар чыгышы булды.