Мөслим туган як музееның хәзерге чорны сурәтләгән экспозициясенә килеп керү белән районыбызның зур картасы күзгә ташлана. Ул рельефлы итеп, тауларны, елгаларны да күрсәтеп эшләнгән. Кайсы авыллар түбәнлектә, кайсылары тау өстендә урнашканлыгын күрергә мөмкин. Безнең Метрәй авылы таулы урында урнашкан. Имәнәй тавы Урал тау итәге икән ләбаса!
Стенага Мөслимнең хәзерге фотолары урнаштырылган. Безнең Мөслим искиткеч матур. Безгә Бөтенрәсәй сабантуена килгән кунаклар сокланып киттеләр.
Биредә районыбызның мәктәпләре, балалар бакчалары, предприятиеләре, җәмагатҗ урыннары турында да информация табарга мөмкин. Район үзәгендә 3 мәктәп, 5 балалар бакчасы эшли.
