Г.Тукай бюсты

Актаныш авылы ял паркындагы әлеге һәйкәл әллә каян күренеп тора. Янында китап формасында итеп. Тукай премиясе лауреатлары һәм Актаныш районы иҗат кешеләренең исемнәрен язганнар. Шагыйрьнең кыскача биографиясе түбәндәгечә.
Булачак шагыйрь хәзерге Арча районының Кушлавыч авылында 1886 елның 26 апрелендә Мөхәммәтгариф мулла гаиләсендә дөньяга килә. Малай туып дүрт ай ярым үткәч, Мөхәммәтгариф хәзрәт үлеп китә. Тол калган әнисен кияүгә бирәләр. Бәләкәй Габдулланы авылның Шәрифә исемле фәкыйрь бер карчыгына вакытлыча асрамага калдыралар. Шунда аның газаплы, авыр тормышы башлана.Бераз соңрак әнисе баланы үзе янына ала. Ләкин бәхетле чаклар озак булмый: әнисе дә вафат була. Үги атасы-мулла Габдулланы, озак та тормастан, әнисе ягыннан бабасына - Өчиле авылына кайтарып җибәрә. Ә инде бу гаиләдә балалар болай да күп була, шуңа Апуш күп кыенлыклар кичерә.Аннан соң аны Казанга асрамага бирәләр. Менә шундый фаҗигале аның балачагы. Нибары 27 яшькә кадәр генә яшәсә дә, ул бик күп шигырьләр язып калдыра. Мин аның шигырьләрен яратып укыйм һәм ятлыйм. Ә Актаныш шагыйрь һәм язучыларга бик бай икән.