Әниләр бәйрәменә шигырь

        Озакламый әниләр бәйрәме җитә. Шушы бәйрәм уңаеннан безнең мәктәптә конкурс игълан иттеләр. Безгә сыйныф җитәкчебез Энҗе Мөдәрис кызы  әниләребезгә багышлап шигырь чыгарырга яки  фотосурәтләрен ясарга кушты. Без һәрберебез бик нык тырыштык. Мин үзем әниемнең сурәтен ясадым һәм әтием белән бергә шигырь яздык. Менә ул шигырьне, дусларым, сезгә дә тәгъдим итәм.

                                                                                                  Әниемә зур рәхмәт!

Әнием миңа гомер бүләк иткән,

Үзенең назында мине үстергән.

Кулына алып, кысып-кысып

Үзенең җылысын миңа биргән.

Кичләр җиткәч кочагына алып

Әкиятләр сөйләп йоклаткан.

Елаган чакта бишеккә салып

Бишек җырын көйләп юаткан.

Иртә белән торган чакта

Битләремнән үбеп мине уяткан,

Авыр чакта киңәшләрен биреп,

Тәмле ризыкларын миңа ашаткан.

Әнием миңа гомер бүләк иткән,

Рәхмәтләрем минем чиксез бит аңа.

   Мин әниемне бик-бик яратам!!!  Ул яшьләр эше, спорт һәм туризм бүлегендә бухгалтерияда баш белгеч булып эшли. Мең-мең рәхмәт сиңа әнием барысы өчен дә.

.