Ә. Кәримуллин исемендәге Район китапханәсендэ булдым.Китапханэдэ ботенлэй башка донья.Бик бай фонд.Район башлыгы булэк иткэн китаплардан аерым стенд булдырганнар.
Халкыбызга рухи азык өләшүдә армый-талмый хезмәт күрсәтүче китапханәнең бер гасырлык якты үткәне булуы районыбыз өчен зур вакыйга. Сабада 1918 елда беренче китап уку йортына нигез салучы булып Шәрип Галиев санала. Ул итче Гали Нуриевның таш келәтендә халыктан китап җыйнап туплый башлый. Халык үзендә сакланган иң кыйммәтле китапларын бирегә тапшырып, шулай басмалар саны артканнан-арта. Бер гасыр элек берничә йөз китап тупланып, үзенең эшен башлап җибәргән китап уку йорты бүген 330 мең китапны саклап, халкыбызны үзенә әйдәп торучы Саба үзәкләштерелгән китапханәләр системасына әверелде. Ул үз эченә 27 филиалны, Саба үзәк һәм балалар китапханәсен берләштерә, китап белән укучы арасында ныклы рухи күпер булып тора.
