Барлык хыяллар тормышка ашсын!

Кичә, ягъни 25 декабрьда, Казанда Президент чыршысы булып узды. Анда ел саен республиканың иң тырыш балалары катнаша. Билетка ия булу өчен йә уку, йә спорт алдынгысы булырга, йә инде иҗтимагый тормышта актив катнашырга кирәк. Әмма бөтен кеше дә уку, спорт алдынгысы, иҗтимагый тормышта да актив катнаша алмаска мөмкин. Мондый балаларга нишләргә соң? Аларның да Республикабызның төп чыршысында буласы килә бит. Бу хыялны тормышка ашырырга "Укучының мәдәни көндәлеге" булыша ала.Әлеге проект миңа бөтен бала хыялланган чарада - Президент чыршысында булып кайтырга мөмкинчелек бирде. Мине шулай сөендергән өчен әлеге проектка бик рәхмәтлемен. Үземне җиңүчеләр арасында икәнлегемне белгәч, мин әлеге көнне түземсезлек белән көтә башладым.
Менә ул көн килеп тә җитте Мин бик дулкынландым: беренчедән, мин беренче тапкыр мондый чарада, икенчедән, проект ярдәмендә дуслашырга өлгергән дусларымны күрә алачакмын. Казанга кадәр юл сизелмичә дә узып китте. Һәм менә без "Баскет-холл"да.
Бәйрәм башланганчы мин дусларым белән очрашырга, фотога төшергә өлгердем.


Әкияти геройлар белән фотога төштем

Яраткан каналым геройларын да очраттым монда

Ниһаять, озак көтелгән мизгел килеп җитте: балалар каршында котлаулар һәм Яңа ел теләкләре белән Республикабызның Президенты Рөстәм Миңнеханов чыгыш ясады. «Кадерле балалар! Үз-үзегезгә ышаныгыз, алдыгызга зур максатлар куегыз һәм аларга кыю рәвештә ирешегез!" диде ул.

Быел мин Президент чыршысына эләгергә кирәк дидем һәм моңа әти-әни ярдәме белән ирештем, бу минем өчен максатыма иреәүемнең беренче адымнары булды.

Быел Президент елкасының темасы "Яңа ел. Перезагрузка" Дип атала иде. Әлеге шоу-мюзиклны карап, шуны аңларга була: бернинди алга киткән технологияләр дә иң зур байлык - гаиләне, андагы бер-береңә карата игътибарлылыкны, мәхәббәтне алыштыра алмый


Быел Республикабызныж тцп чыршы бщйрщмен https://yanael.tatar электрон адресы буенча турыдан-туры эфирда карарга мөмкин иде.
Президент чыршысы азагында барлык балаларны да татлы Яңа ел бүләге - киләсе елның символы -"Юлбарыс" йомшак уенчык-рюкзак эченә тутырылган татлы бүләкләркөтә иде.

Президент чыршысыннан мин бик каты тәэсирләр белән кайттым, әлеге онытылмас мизгелләр минем күңелемдә әле озак сакланырлар.
Мин бик зур рәхмәтле әлеге чарада катнашырга мөмкинчелек биргән "Укучының мәдәни көндәлеге" проектына һәм әти-әниемә.
Башка балаларның да барлык хыяллары тормышка ашсын.