21 февраль - Туган тел көне

Хәерле имин көннәр дусларым.
Туган тел! Бу сүз һәркем өчен кадерле,газиз! Чөнки тел - тормыш чыганагы, белем чишмәсе. Аңардан да көчле, татлы, назлы, ләззәтле тел бар мы икән? Тел - ананың балага иң зур бүләге. Бөтен кешегә дә үз теле якын, кадерле, хөрмәтле...Җир йөзендә бик күп телләр бар, һәм алар хәркайсы үзенә бер төрле.
Бүген - Туган тел көне. Безнең мәктәбебездә дә шул уңайдан чаралар, класс сәгатьләре оештырылды. Без, инде гимнга әйләнгән, Габдулла Тукайнын "Туган тел" жырын җырлап, туган телгә бәйле булган мәкальләр тыңладык, табышмаклар чиштек.

И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.