Әдәби Сабантуе - Сабада.

Татарларга гына хас миллилеге булган чираттагы Сабантуе...тик гади генә түгел ә - Әдәби Сабантуе... Даими әдәби марафон проектында катнашып барган финалистларның, әдәби көрәш, сәләмәт иртә, җәйге китапханә проектының "кыр батырларын" котлау, бүләкләү, зурлау тантанасы быел - Сабабызда... Сүз белән генә сөйләп, тасвирлап бетерә алмаслык бәйрәм. Республикабызның төрле районнарыннан, чит төбәкләрдән килгән "батырлар", танылган шәһесләр, яңа китап-журналлар, мавыктыргыч мастер класслар, милли киемнәр, музыка, биюләр...барда шушы бер урынга тупланган...
Миндә инде 11 нче тапкыр шушы дөнья күләм Әдәби марафон проектында катнашып киләм. Бу проект аша мин яңа китаплар белән таныштым, яңа дуслар таптым. Икенче тапкыр инде менә Әдәби Сабантуенда катнашам. Биредә танылган язучылар, шагыйрьләр белән күрешә алу үзе зур бәхет...
Инде менә ничәнче тапкыр безнең Саба районы шушы проект та 1 нче урынны яулый. Иң күп татар телендә китап укучы район исемен ала. Алга таба да шулай булыр дип ышанып калам.