Бөек Ватан сугышында һәлак булган авылдашларга һәйкәл

Быел 9 нчы май көнне Актаныш районының Татар Ямалы авылында Бөек Ватан сугышында катнашкан авылдашлар хөрмштенә, истәлегенә һәйкәл ачу тантанасы булды.
Халык хәтере-мәңгелек. Хәтер китабы-каһарманнарның исемнәрен мәңгеләштерүче һәйкәл. Анда сугыш кырларында һәлак булган, хәбәрсез югалган, яралардан үлгән якташларыбыз турында тупланган.

Авылыбызда үз тормышын илебез өчен биргән совет кешеләренә һәйкәл куелган. Һәйкәл алдында, безнең бәхетебез өчен һәлак булган сугышчыларның йөрәк ялкыннарын хәтерләтеп, мәңгелек ут яна.

Дөньяда яшәүче барлык кешенең бер теләге бар – туган илдә тынычлык булсын! Аларга мәңгелек дан һәм мәңгелек хөрмәт! Ә безнең бурычыбыз – ул еллардагы халыкның батырлыгын үзебез дә онытмыйча, бездән соң килгән буыннарга да тапшыру.

Безнең буынны саклап калган кешеләрнең батырлыгы беркайчан да онытылмас! Безнең бәхетле тормышыбыз һәм азатлыгыбыз өчен түгелгән канны ничек онытырга мөмкин соң.