“Толымнарда чыңлый чулпылар” - тематик кичә  

16 март көнне Татарстанда милли мәдәниятләр һәм гореф-гадәтләр елы уңаеннан, Теләче үзәк китапханәсендә “Яшь гаилә” клубына йөрүчеләр белән “Толымнарда чыңлый чулпылар” дип исемләнгән тематик кичә үтте.



Кичә өч өлештән торды. Беренче өлеш - “Милли бизәнү әйберләре”. Иң элек китапханәчеләр безне хатын-кыз бизәнү әйберләренең берсе - чулпылар белән таныштырды.


Татар хатын-кызларында чәч толымнарын бизәү табигый саналган, чәч бизәгечләр милли киемнең бер өлеше булып торган. Кыз баланың чәче үремгә керерлек булуга, толымнарга чулпы такканнар һәм хатын-кыз бөтен гомере буе чәчен толымлап, чулпы белән үреп йөрергә тиеш булган. Алар шул кадэр авыр, ничек аларны гел кутэреп йоргэннэр икэн? Безгэ бик кызык булды, куп итеп сораулар бирдек, китапханәчеләр исә белгәннәре белән уртаклаштылар.


Икенче өлеш - “Матурлык остаханәсе” дип аталды. Китапханәче Елена Фатихова чәч үрү буенча мастер-класс күрсәтте. Мондый чәч үрүләр беркайчан да модадан чыкмый. Төрле формага кертеп үрелгән чәчләр, прическалардан кызлар үзләре дә канәгать калды.


Өченче өлештә сүз риваятьләр, әкиятләр, мәсәлләр турында барды. “Өч кыз” әкияте сәхнәләштереп күрсәтелде, мин олы кыз ролен башкардым. Бу экиятне куптэн белэм, ул мина бик ошый. Соныннан милли уеннар уйналды.


Әлеге чара яшь гаиләләрне уйланырга да, шатланырга да, моңланырга да мәҗбүр итте. Туган телгә, туган илгә булган мәхәббәтләрен тагын да көчәйтте.