"Татар кызы - 2023”

Март башында районыбызда "Татар кызы - 2023” титулы өчен унике укучы кыз көч сынашкан бәйге Милли мәдәниятләр һәм гореф-гадәтләр елы кысаларында узды.
Кызларны, район мәгариф бүлегенең милли эшләр буенча методистлары
җюри составында, дүрт сынау ярдәмендә бәяләделэр.




Бәйгенең беренче, танышу өлешендә, катнашучылар үзләре, сәләтләре, җиңүләре белән таныштырып киттеләр. Чыгышлар бер-берсенә охшамаган иде. Кайбер катнашучылар үзләренең чыгышларында татарлыкны саклап калу турында сөйләделәр. Икенчеләре үзләренең җыр-бию осталыкларын тәкъдим иттеләр.



Өч сәгатькә якын барган ярышта “Татар кызы - 2023” исемен Иске Җөри урта мәктәбе укучысы Гөлфия Мортазина яулады. Җиңүче берәү генә булса да, яшь туташларыбыз төрле-төрле номинацияләрдә җиңү яуладылар. Җиңүчеләрне ахырдан район мәгариф бүлеге җитәкчесе Наталья Карпова һәм Бөтендөнья татар конгрессының Теләче бүлеге җитәкчесе Алисә Дәүләтшина тәбрикләде.


Барлык катнашучыларны да чын күңелдән котлыйбыз! Алар чыннан да үз исемнәренә лаек булуларын күрсәттеләр. Чөнки барысы да бәйгегә тиешле дәрәҗәдә әзерләнеп килгән, алар – чын Татар кызлары! Мондый бәйгеләр яшьләрнең искиткеч сәләтле, дәртле, кызыксынучан, актив икәнлеген күрсәтә.



Бәйгедә катнашучы кызлар уңган, булган, кул эшләренә, җыр-биюгә һәм нәфис сүзгә оста.