"Халкыбыз йолалары- илебез җәүһәрләре" дип исемлэнгэн бэйге

Каникуллар вакытында, Алан мәдәният йортында районның мәгариф бүлеге, Татар конгрессының Теләче бүлекчәсе һәм «Ак калфак» татар хатын-кызлары иҗтимагый оешмалары белән берлектә, мәктәпкәчә белем бирү учрежденияләре арасында Мәдәният елы кысаларында, "Халкыбыз йолалары- илебез җәүһәрләре" дип исемләнгән бәйге үтте.





Тантаналы чараны Теләче муниципаль районы мәгариф бүлеге җитәкчесе Наталья Карпова ачып җибәрде. Ул әлеге фестивальнең дәвамлы булуын теләде.
Конкурста моңлы җырлар ишеттек, фольклор әсәрләре, халык иҗаты аша әби-бабайларыбыздан калган гореф-гадәтләрне хәтеребездә яңарттык.






Фестиваль милли җәүһәрләребез булган халык җырларының матурлыгын, фольклор әсәрләренең аһәңлеген ассызыклап, җырлы-биюле халык уеннарына мәхәббәт тәрбияләү өчен балалар бакчалары арасында уздырылды. Ерак араларны якын итеп килгән иҗади коллективларга (Саба, Балтач, Биектау, Арча, Теләче районнары катнашты) сәнгать осталарына бик зур рәхмәт. Бәйрәмнән күтәренке кәеф белән, оештыру эшләренә сокланып кайттык.