2015 елда Бөек җиңүгә 70 ел тулды. Бөтен ил гөрләтеп бәйрәм итте. Юбилейга багышлап Хәтер китаплары бастырылды. Ул китапка материал туплауны укучыларга, укытучыларга йөкләделәр. Мин дә бу эшкә үз өлешемне керттем. Бер төркем укучылар белән бергә Бөек Ватан сугышы ветеранының тол хатыны Нәзирә әбинең өенә бардык. Ул үзенең ире турында сөйләде. Без язып алган материаллар Хәтер китабына кертелде.