"Өч каурый" әкияте

Мин мәктәп китапханәсеннән Флера Тарханованың "Өч каурый" дигән китабын укырга алдым. Ул бик кызыклы һәм тылсымлы китап.
Гата исемле бер егет Сәмруг кошын тота һәм алтын төкерә торган ат, азыклар тулы җәймә, хуҗасын комсызлардан саклый торган әтәч белән бүләкләнә. Үзенең тапкырлыгы, юмартлыгы аркасында, бу әйберләрне саклап кала ала, бәхетле гаилә кора.
Мин әкияттәге шикелле атым, җәймәм, әтәчем булсын иде дип хыялланам. Ләкин тормышта алай булмый шул...
Бу әкиятне укып бетергәч, мин китап белән истәлеккә фотога төштем һәм сәмруг кошын ясадым. Ул кош бик матур килеп чыкты!