Тукай эзләле буйлап

Бүген гаиләбез белән, татар халкының күренекле шагыйре Габдулла Тукайнын музеена кунакта булып кайттык. Музейга минем икенче тапкыр баруым булуга карамастан, үзем өчен бик күп кызыклы hэм онытылмаслык хисләр белән кайттым. Музей Арча районынын Яңа Кырлай авылында урнашкан, ерактан ниндидер жылылык бөркеп торучы ике катлы бина. Музейга керү юлында шагыйребезнен әкияти геройлары безне каршы ала.
Музейнын беренче катында дүрт зал. Беренче зал безне Габдулла Тукайнын балачагы, икенче зал Уралскийдагы, өченче зал Казандгы тормыш юлы hәм ижаты белән таныштыра. Дуртенче залда шагыйребезнен ижаты буенча картиналар хозурланырга була.
Икенче катта музейнын тарихын картиналардан укырга мөмкин. Ә икенче каттагы икенче бүлмә Габдулла Тукайнын әкият дөньясына сәяхәткә алып кереп китә. Бу бүлмәдә халык hөнәрчелеге осталары Салеевлар гаиләсенен Габдулла Тукай әсәрләре белән рухландырылган сәйләннән эшләнгән әсәрләр күргәзмәсе. hәрбер әкияти герой күңел жылысы биреп эшләнгәне ерактан ук сизелеп тора.