Татарстан Республикасы дәүләтчелеге тарихы музее

Пионерлар сафына керү өчен укуда тырыш, төрле чараларда актив булу мөһим булган. Шул очракта гына горур пионер исемен йөртә алганнар! Әлеге оешма туган илне яратырга, өлкәннәрне хөрмәт итәргә, дус һәм бердәм булырга өндәгән.
Шулай ук әле пионер намуслы, кыю булырга, өлкәннәргә һәм кечкенәләргә хөрмәт белән карарга тиеш булган. Пионерлар төрле эш башкарган: кызыл галстук һәм пионер значогы тагып, быргы тавышына сборларга җыелган, хәрби-патриотик җырлар җырлаган, өлкәннәргә ярдәм күрсәткән, кечкенәләрне хезмәткә өйрәткән, җәмгыять эшләрендә актив катнашкан. Пионерлар металлолом, макулатура җыйганнар, чәчәкләр һәм агачлар утыртканнар, хайваннар үстергәннәр. Иң яхшы дип табылганнарын бүләкләгәннәр.
Пионерларның символлары булып кызыл галстук, йолдыз значогы, пионер байрагы, отряд әләме, быргы (музыкаль инструмент) һәм барабан торган.
Пионерлар турында тагын да күбрәк белэсез килсэ, Татар халкы һәм Татарстан Республикасы дәүләтчелеге тарихы музеена барырга киңәш итэм, дусларым!