Онытылган исемнәр

Онытылган исемнәр
Нинди генә исемнәр юк. Дөньяда исемнәр бик тә күп. Бер, ике хәрефтән, күп хәрефтән торганнары да бар. Татар халкында кеше исемнәренең иң борынгы өлешен төрки исемнәр тәшкил итә. Күп исемнәр гарәп-фарсы теленнән кергән. Ә кайберләре Алтын Урда чорыннан сакланып кал¬ган, икенчелере исә Ок¬тябрь революциясеннән соң кертелгән. Татар исемнәрен онытасыбыз килми, чөнки без татар балалары һәм шуның бе¬лән бик горурланабыз.
Ләкин соңгы вакытта күп кенә исемнәрне бозып, русчалаштырып әйтү "модага" керә башлады. Нинди матур исемнәр: Гөлназ, Гөлнара, Гөлйөзем-барысы да "Гуля"га әйләнгән. Зәйтүнә, Зөләйха, Зәйнәп- "Зоя" булганнар. Җенем сөйми кешенең балага яратып, зур өметләр баглап кушкан исемнәрне бозып әйтүләрен.
Хәзерге заманада безнең татар халкы балага исем кушканда, борынгы татар исемнәрен ге¬нә кулланмый. Исемнәрнең күп өлешен чит илдән кергән исемнәр алып тора. Мәсәлән, Эльза, Элиза, Светлана, Лена һәм башкалар.Үз халкыбызның да исемнәре бик матур бит.
Исем-кешенең гомерлек юлдашы. Исемнең мәгънәсе кеше тормышына зур йогынты ясый , аңа гомер буе үрелеп барганын онытмасак иде.