Моннар агыла туган якка

28 ноябрь көнне Теләче районының яңадан торгызылуына 30 ел тулу уңаеннан , район мәдәният йортында “Моңнар агыла туган җирдә” дип исемләнгән халык иҗаты фестиваленең Гала-концерты шаулап узды.


Октябрь- ноябрь айларында узган сайлап алу турларында барлыгы 800 гә якын кеше катнашса, Гала концертта 200 дән артык үзешчән артистларыбыз сәхнә тотты. Тамашага килгән районыбыз халкы иҗат сөючеләрнең чыгышын җылы каршы алып, көчле алкышларга күмде.


Районыбыз җитәкчесе Хаҗипов Н.Н.
"Безнең йолдызларыбыз кайда гына чыгыш ясаса да, алар һәркайда югары дәрәҗә күрсәтә”, - дип, зур рәхмәтләрен җиткереп, залда утырган тамашачыны районыбызның 30 еллык юбилее белән һәм Әниләр көне белән тәбрик итте.


Ахырдан, күп төрле сынаулар узып, финалга чыккан үзешчәннәребез бүләкләнде.

Теләченең моң чишмәсе саекмаган, киресенчә, ургылып ага. Әлеге фестиваль концерты шуның бер дәлиле булып тора.