Китапханә

18 апрель көнне Теләче үзәк һәм балалар китапханәсе хезмәткәрләре «Яшь гаилә» кызыксындыру клубына йөрүчеләр белән татар халкының бөек шагыйре Г.Тукайның иҗатына багышлап «Ядкәрләрдә Тукай рухы» дип исемләнгән әдәби кичә үткәрделәр.
Балалар Тукай әкиятләренә нигезләнеп эшләнгән “Серле урман” әкиятен сәхнәләштереп күрсәттеләр.





Без яраткан шагыйребезнең шигырьләрен яттан сөйләделәр, әкият геройлары белән бергәләп төрле күңелле уеннар уйнадык, табышмакларга, кызыклы сорауларга җавап бирдек.

Габдулла Тукай кыска гына гомере эчендә гасырларга җитәрлек бай мирас калдырган. Яшь буын шушы мирасны киләчәктә дә югалтмыйча сакласын, бөек шәхесләребезне онытмасын иде.