Гаиля коне

5 май - Гаилә көне уңаеннан "Кош канаты белән, гаилә татулыгы белән көчле" дип исемләнгән бәйрәм чарасы узды.
Районыбызда февраль - март айларында Туган телләр һәм халыклар бердәмлеге елы уңаеннан “Нәни энҗеләр” район чарасы узды. Бәйгенең максатлары -
үсеп килүче буынның ата-бабаларыбызның тарихи-мәдәни мирасы белән кызыксынуын арттыру, бәйгедә катнашучылар тарафыннан яңа белемнәр алу;
гаилә кыйммәтләренә аңлы мөнәсәбәт формалаштыру;
балаларның иҗади мөмкинлекләрен үстерү иде.
Чарада районда яшәүче 6 яшьтән алып 8 яшькә кадәрге 27 бала катнашты. Без бүген шушы бәйгедә катнашкан Нәни энҗеләребезнең кайберләренең чыгышын да тамаша кылдык. Шулай ук, җыелган тамашачыны Гаилә көне белән Теләче муниципаль районы җитәкчесе Хаҗипов Нәҗип Нәкыйп улы котлап, җылы теләкләрен җиткерде.
Соңгы елларда халкыбызның гореф-гадәтләренә,йолаларына һәм бәйрәмнәренә игътибар арта башлады. Шул уңайдан күп кенә бәйрәмнәребез яңадан халык арасына кереп бара.Халкыбызның йола-бәйрәмнәрен,гореф-гадәтләрен торгызу һәм яңарту безнең районда эшләп килүче балалар бакчаларында бик актив алып барыла. Милли бәйрәмнәр һәм гореф-гадәтләр, балаларыбызны халык мәдәнияте белән таныштыруда, зур урын алып тора. Бүгенге бәйрәм чарасында
Теләче авылында эшләүче балалар бакчаларына йөрүче балалар тарафыннан "Чума үрдәк, чума каз", "Йөзек салыш", "Түбәтәй" уеннарының уйналышын тагын бер искә төшереп үттек. Ахырдан бәйгедә катнашучы барлык балаларга төрле номинацияләрдә дипломнар , Татар конгрессының Теләчедәге бүлекчәсе, " Ак калфак" татар хатын -кызлары оешмасы һәм иганәче Алсу Нәҗметдинова тарафыннан әзерләнгән истәлек бүләкләре тапшырылды.




Без узебезнен бию коллективы белән бию башкардык.

Бик матур бәйрәм булды.