“Теләче –Арена” дип исемләнгән Боз сарае ачылды.

Кичә район үзәге Теләчедә Татарстан Республикасы Президенты Рөстәм Миңнеханов һәм Россия Федерациясе Президентының Идел буе федераль округындагы Тулы вәкаләтле вәкиле Михаил Бабич катнашында “Теләче –Арена” дип исемләнгән Боз сарае ачылды. Яңа Боз сараендагы тәүге уендагы, тәүге алканы да алар икесе бергә салды.

Татарстан Республикасы Президенты Рөстәм Миңнеханов үзенең чыгышында райондашларыбызның спортны, аеруча да аның милли көрәш, хоккей кебек төрләре яратуыбызны һәм даими уңышларга ирешүебезне һәм районда кече эшмәкәрлек хәрәкәтенең зур үсеш алуын билгеләп үтте. Һәм алга таба да шулай булачагына зур ышаныч белдерде. Азактан, ул Боз сарае базасында яңа оешкан ”Юность” спорт мәктәбе директоры Ренат Шәйдуллинга яңа “Форд” микроавтобусы ачкычы тапшырды.