Мигъраҗ кичәсе мөбарәк булсын!

Бүген, ягъни һиҗри ел исәбенең 1439 елы Рәҗәб ае 26нчы көнендә мөселманнар өчен зур бәйрәм.
Кояш баю белән бөтен дөнья мөселманнары Мигъраҗ кичәсен каршылый һәм Ләйләтүл-Исра вәл-Мигъраҗ, ягъни Пәйгамбәребез Мөхәммәд салләллаһу галәйһи вә сәлләмнең могҗизалы рәвештә күккә ашу вакыйгаларын искә ала.
Кадерле мәдәни команда, милләттәшләр һәм дин кардәшләр! Әлеге кичә барыбыз өчен дә котлы булсын, безгә һәм әти-әниләребезгә бәрәкәт,ике дөнья бәхете китерсен!!! Әлеге уңайдан Камил хәзрәт Сәмигуллин котлавыннан өзек китерәм:
Пәйгамбәребез Мөхәммәд салләллаһу галәйһи вә сәлләм Мәккәдәге әл-Хәрәм мәчетеннән Коддустагы Әл-Әкъса мәчетенә, ә аннан Аллаһы Тәгаләгә изге сәфәр кыла. Ул анда күкнең җиденче катына – “Сидрател мүнтәхә” дип аталган җиргә кадәр күтәрелгәч, Раббыбыз белән аралашкан һәм Аның Мәңгелек Тавышын ишеткән. Исра вәл-Мигъраҗ гаҗәеп могҗизаларның берсе булып тора һәм Мөхәммәд салләллаһу галәйһи вә сәлләмнең бөек пәйгамбәр икәнлеген раслый.
Мөхтәрәм Пәйгамбәребезнең күккә ашуы, Мигъраҗ киче белән рухланып, без рухи яктан күтәрелү турында уйланырга тиешбез, төрле хата-кимчелекләрне, кешелеккә хас гөнаһларны артта калдырырга тиешбез. Моның өчен без дөнья ләззәтләре артыннан кууны туктатырга, Аллаһы ризалыгына ирешерлек итеп яшәргә һәм кешеләргә файда китерерлек изге эшләр эшләргә тиешбез.

Для тех,кому нужен перевод на русский язык:
Сегодня, т.е. 26 день месяца Раджаб 1439 года по Хиджре, мусульмане мира отмечают Миградж.Праздник в ознаменование чудесного путешествия пророка Мухаммеда (мир Ему и благословение Всевышнего)из Мекки в Иерусалим и его вознесение на седьмое небо к престолу Всевышнего. Поздравляю с этой датой!!!