Габдулла Тукай музеенда.

Мин кичә реконструкциядән соң беренче тапкыр татар халкының бөек шагыйре Габдулла Тукай музеенда булдым. Музей нык үзгәргән,анда интерактив һәм мультимедиа экспонатлар барлыкка килгән.Тукайның үлгәннән соң алынган гипс битлеген элек залда һәрвакыт күреп була иде,ә хәзер ул да яртылаш мультимедиага әверелгән.Шагыйрьнең вафатына багышланган махсус диварга шул көнне җеназадан төшергән фотолар проекцияләнә,шуннан соң гына витринадагы битлек ачыла.Проекцияләр сүнгәч,витрина эчендә "томан" куера һәм битлек югала.
Тулаем алганда экспонатлар шул ук калган.Мин беренче сыйныфта укыганда Тукайныкы булган экспонатлар җидәү иде,алар хәзер дә бар.Өстәвенә бөек шагыйрь яшәгән чордагы кием-салым ,музыка уен кораллары,китаплар,документлар һәм башка экспонатлар безгә Тукай заманнарына "кайтып килергә" мөмкинлек бирә.Музейның беренче катында берничә күргәзмә дә эшли.Тик алар турында соңрак сөйләрмен.