“Халкым җәүһәрләре”

Зәебезгә 370 ел тулу уңаеннан үзәк китапханәдә “Халкым җәүһәрләре” дип исемләнгән өр-яңа проект старт алды.

Зәйнең Сөббух Рәфыйков исемендәге үзәк катипханәсенең татар бүлеге тарафыннан оештырылган бу очрашулар циклы китап укучы өлкәннәрне, яшь буынны районыбызда яшәүче оста куллы кешеләр белән якыннан таныштыру, аларның кул эшләреннән үзенчәлекле күргәзмәләр оештырып халыкка тәкъдим итү, шул рәвешле зәйлеләрнең күңел матурлыгын башкаларга җиткерүне максат итеп ала.
Зәйдә яшәп, үзенең иҗат мөмкинлекләрен кул эшләренә салучы күркәм кешеләребез күп безнең. Аларның күпчелеге тыйнак кына иҗат итеп яшәргә күнеккән. Ә без китапханәбездә “Халкым җәүһәрләре” проекты кысаларында аларны киң катлам укучыларыбызга тәкъдим итәргә булдык. Шулай ук әлеге күркәм кешеләребез аша яшь буынга шушы төбәгебезнең йолаларын, электән үк килгән кул эшләренә осталыкны тапшырып калдыру да бик мөһим. Күңел тарткан шөгыль белән мавыгуның никадәр җан рәхәте булуын аңлату да заманыбыз өчен бик кирәк, - ди үзәк китапханә директоры Сәрия Батршина.

Кул эшләре белән махсус булдырылган күргәзмәдә таныша алдык. Бик матур эшләр курдек, бик ошады.