кардан ясалган сыннар

Кыш бабай, Кар кызы һәм башка әкият персонажларының сыннарын ясыйсы һәм аллы-гөлле утлар эләсе бар... халк алдында менә шундый зур эшләр. Яңа ел алдыннан урамнарга бәйрәм төсе кертергә, әйләнә-тирәне матурларга кирәк. Материалына да кытлык юк – кар соңгы көннәрдә җитәрлек яуды.
Кардан төрле-төрле сыннар ясау күп кенә авылларында күптәннән килгән традиция булып тора. ел саен авыл җирлекләрен, төрле оешма тирәләрен бизиләр, сыннар ясыйлар. Яңа ел бәйрәмнәре вакытында, кайсы гына авыл аша үтсәң дә, кунакларны Кыш бабай, Кар кызы һәм тагын башка күптөрле әкият геройлары каршы ала. Матур күренеш – могҗизалы әкият иленә эләккәндәй буласың . Бу сыннарны һәркем сокланып карый. Башкача була да алмый, билгеле, аларны шәһәрдән килгән осталар ясап бирми шул, ә күңел җылысын салып, гади авыл халкы, укытучылар, укучылар, мәдәният, авыл советы хезмәткәрләре иҗат итә.