Чечен сугышында катнашучылар һәм һәлак булганнар истәлегенә стелла

Чечня Республикасы һәм Төньяк Кавказ төбәкләрендәге сугыш хәрәкәтләре — ил тарихында уелып калган тагын бер канлы вакыйга. Актаныш районыннан 128 кеше Чечен сугышында катнашкан. Шуларның икесе, ни кызганыч, һәлак булган. Алар бергәләп Чечня Республикасы һәм Төньяк Кавказ төбәкләрендә барган сугыш хәрәкәтләрендә катнашучы ветераннар истәлегенә мемориал һәйкәл ачканнар. «Исәннәр хакына, һәлак булганнар истәлегенә» — һәйкәлдә шушы сүзләр уеп язылган.