Нур Баян

Әнәк авылында язучы Нур Баянга һәйкәл куелган. Әлеге һәйкәлгә аның "Халкым өчен тугры калырмын..." дигән сүзләре язылган. Нур Баян 1905 елның 15 маенда Татарстанның хәзерге Актаныш районы Әнәк авылында крестьян гаиләсендә туган. Тормышлары авыр булганлыктан, Нурның әтисе Галим абзый балаларын җәйге айларда читкә акча эшләргә җибәрә торган була. Нур да, каникул җитүгә, ел саен төрле җирләрдә ялланып акча эшли. 1921 елгы ачлык аны туган авылыннан бөтенләй китәргә мәҗбүр итә. Ул Пермь шәһәренә барып, кара эшче булып йөри. 1923 елда, укуын дәвам итү теләге белән, Казанга килә һәм Татар-башкорт хәрби мәктәбенә курсант итеп алына. Шушында укыганда аның әдәби иҗат эше башлана. Бөек Ватан сугышы башлануга фронтка китә һәм 1945 нче елда батырларча һәлак була.