Мәктәбебез музееның экспонатлары белән таныштыруымны дәвам итәм. Әлеге борынгы лампалар- керосин лампалары. Аларның эченә керосин салып, кабызып җибәргәннәр. Бу лампалардан өйгә ис һәм корым тарала торган булган. Ничек кенә булса да, караңгы төндәәлеге лампалар бердәнбер яктылык чыганагы булган. Шушы лампалар яктысында кул эшләре эшләгәннәр, әңгәмә корганнар, хәтта китап укыганнар!
Бу җиһаз гөбе дип атала. Ул май язу өчен кулланылган. Агачтан эшләнгән тирән савытта махсус таяк ярдәмендә май язганнар.
Җиз бик ныклы һәм кыйммәт металл булган. Аннан эшләнгән әйберләр матур һәм чыдам булган. Музейда шундый берничә комган саклана.
Әлеге шкаф матур итеп бизәкләп, күңел биреп эшләнгән.Иң мөһиме, әлеге бизәкләр барысы да кулдан ясалган. Аларны ясау өчен гап-гади инструментлар файдаланылган. Мондый бизәкләрне хәзер махсус аппаратлар ясый, тиз була.
Борын заманнарда барлык савытларны да агачтан эшләгәннәр. Агач савытлар экологик яктан чиста булган, аларда ризык бозылмыйча озак сакланган. Мондый агач савытлар мәктәбебез музеенда да бар.
