Метрәй авылы мәдәният йортында

Метрәй авылы мәдәният йорты авылыбызның бердәнбер мәдәни үзәге. Әгәр ул булмаса, без кая гына барыр идек тә, нинди генә мәдәни чарада катнаша алыр идек икән? Район үзәгенә бездән 5 чакрым, ни кызганыч, автобус та йөрми. Шуңа күрә без бик еш авылыбыз клубына барабыз. Анда мастер-класслар, төрле мәдәни чаралар еш уздырыла. Хәзерге вакытта анда халык театрының яңа спектакле репетицияләре бара. Тиздән әлеге әсәрне алар сәхнәгә куячаклар. Әлбәттә, мин дә барачакмын!