Актаныш ял паркында аккошлар сыны

Аккошлар - табигатьнең йөзек кашлары. Әлеге зиннәтле, горур кошлар үзләренә иң матур, иң җимле, иң мәрхәмәтле урыннарны гына сайлыйлар.Татарстаныбыз аша ага торган Агыйдел елгасын да бик яраталар алар. Актаныш әлеге елга янында урнашкан. Ә елга тулып аккошлар йөзә. Шуңа да Актанышны "Аккошлар иле" дип атыйлар. Нәкъ менә шуны чагылдырып, ял паркында аккошлар сыны ясап куйганнар. Бик үзенчәлекле фигура!