Авыл хужалыгы хэм азык толек министрлыгында кунакта булып кайттым

Балтач урта мәктәбе укучысы Әмир Бариев ТР Авыл хуҗалыгы һәм азык-төлек министрлыгында кунакта булып кайтты.

Авыл хуҗалыгы һәм азык-төлек министрлыгы республика күләмендә 2016 елгы Бөтенроссия авыл хуҗалыгы исәбен алуны уздыруга нигезләнгән рәсем конкурсы игълан итә. Барлыгы 400дән артык рәсем кабул ителә. Шулар арасында райондашыбыз, Балтач урта мәктәбенең 1г сыйныфын тәмамлаган Әмир Рөстәм улы Бариевның да иҗади эше була. Аның рәсеме “Хезмәт кешесе” номинациясенә лаек булып, Авыл хуҗалыгы һәм азык-төлек министрлыгына кунакка чакырыла. Шушы көннәрдә Әмир Казанда Авыл хуҗалыгы һәм азык-төлек министрлыгында булып, диплом һәм “Спортмастер” сертификаты белән бүләкләнеп кайтты. Әмиргә киләчәктә дә уңышлар теләп калабыз.