Авзалова Әлфия Авзал кызы

Әлфия Авзалова 1933 елның 15 гыйнварында ТАССРның Актаныш районы Актаныш авылында туган. Балачактан тулы ятимлек ачысын татый: әнисе, нәни Әлфиягә нибары 5 яшендә дөнья куя. Әтисе Бөек Ватан сугышында һәлак була. Кызчыкны әнисенең сеңлесе тәрбияли. Балачагы Бөек Ватан сугышы елларына туры килгәнлектән, мохтаҗлыкта үтә. Әлфия Авзалова үзе истәлекләрендә, ачлыктан үлмәс өчен, әбисе белән качып кына бодай урларга колхоз басуына йөргәннәре турында сөйләгән. Әбисе кызга малайлар чалбары киертеп, тезләре турысында бау белән бәйләп, чалбар балагына бодай сала торган булган. Өйгә кайтып җиткәнче, бодай ярмалары кызның тезләрен суеп бетерә торган булган.
Кечкенә чагыннан дәү әнисе Альфия җырларга өйрәткән, Альфия яратып җырлаган. Үзенең сәләтлеге ярдәмендә бик тиз күренекле була. 15 яшендә аны Татар дәүләт җыр һәм бию ансамбленә чакыралар. Аның бик сирәк очраша торган матур тавышы – тулы диапазон альты. Тавышы ярдәмендә ул бик тиз Татар дәүләт җыр һәм бию ансамбленең төп солисткасы була. Альфия Авзалова даны чәчәк аткан вакыты – ул 14 телдә җырлар башкарган концерты. Ансамбльдә эшләгән чакта ул һәрчак искиткәрлек авыр җырларны башкарды.
Әлфия Авзалова – “Татарстан Республикасы каршындагы казанышлары өчен” орден иясе. Ул 1962 елда ТАССР атказанган артисткасы, 1970 елда ТАССР халык артисткасы, 1983 елда РСФСРның атказанган артисткасы, 1992 елда Габдулла Тукай исемендәге Дәүләт премиясе, 1976 елда “Хезмәт Кызыл байрагы” ордены иясе була. 1960 елда аңа “Халыклар арасында татулыкны ныгытуда актив эшчәнлеге өчен” Тынычлыкны саклау советы комитетының Мактау грамотасы бирелә. 2008 елда “Татар эстрадасы легендасы” мактаулы исеменә лаек була. Җырчы һәм аның иҗаты турында 2010 елда Казанда “Моң патшабикәсе” документаль фильмы күрсәтелә.
Җырчы 84 яшендә 2017 нче елның 15 июнендә вафат булды. Әлфия Авзалова Казанның Яңа Татар бистәсе зиратында җирләнде