ГлавнаяСТАТЬИНовости от пользователейУтта чыныккан корыч

Утта чыныккан корыч

       

 

           

 

          Район үзәге булган Балтачта ун балалы гаиләдә 1924 нче елны дөньяга килгән Әхәтне  (карт бабай- Фәридә әбиемнең әтисе) тормыш бик иртә сыный башлый. 8 нче сыйныфны тәмамлагач, укуны дәвам итү өчен 150 сум акча кирәк була. Заманасы өчен бу зур акча була. Шуннан соң бабай Донбасс шәһәренә юл тота. Анда слесарь-моторист һөнәрен үзләштерә.

Фашистлар һөҗүме башланганда, 16 яшьтә генә булганлыктан, бабайны армиягә алмыйлар. Ул туган ягы Балтачына кайтырга чыга. Кесәсендә бер тиен акчасы юк. Вагон түбәсендә кайта-кайта, 21 көннән соң, туган нигез ишеген ачып керә. Бер айдан Казандагы хәрби заводка урнаша; бер елдан сугышка китә.  Курск дугасында баргансугышка керәләр. Ул пулемет расчеты командиры була.Минем Әхәт бабайга көн дә ут астында булырга, иптәшләренең адым саен һәлак булуын күрергә туры килә. Бәрелешләрнең берсендә узе дә яралана. Ессентукида урнашкан госпитальдә ике ай ятып чыга.

Савыгып чыккач, танкка утыра. Пулемётчыдан танкистка әйләнә. Румыния, Венгрияне азат итүдә катнаша. Бу сугышларда да каты яралана. Аягындагы пуля кыйпылчыгы аны гомере буе озата. Терелеп чыккач, Ерак Көнчыгышка –Монголия далалары, Кытайның Мукден шәһәренә юл тоталар. Җиңү көнен Кытайда каршылый.

Күкрәген 4 орден, 14 медаль бизәгән Әхәт Җәләлетдин улы Гайнетдиновка тыныч тормышта да байтак сыналырга туры килә. Әмма ул сынмый-сыгылмый, чөнки ул утны-суны кичкән солдат.

Сугыштан кайткач, югары белем ала. Өйләнеп, 5 балага тормыш бүләк итә. Финанс оешмаларында җитәкче вазыйфасын башкара. Үзе 18 ел җитәкләгән Арча “Госстрах” оешмасыннан лаеклы ялга чыга.

Бик гадел, туры сүзле, йомшак күңелле Әхәт бабай 2013 елда 89 яшендә бакыйлыкка күчә. 

Рейтинг: 0 101 просмотр
Комментарии (0)

Нет комментариев. Ваш будет первым!

ШКОЛЬНАЯ ЭЛЕКТРОННАЯ ЭНЦИКЛОПЕДИЯ