Кыш!

7 декабря 2018 - Рифат Низамиев

Кыш бабай юлга чыккан ди, 
Тройкага утырып. 
Мин Кыш бабайга хат яздым, 
Ике биткә тутырып. 
 
Исәнме Кыш бабай диеп 
Башладым мин хатымны. 
Укып алчы минем хатны, 
Туктатып син атыңны. 
 
Сорау арты сорау яздым, 
Ниләр алып киләсең? 
Безгә ниләр кирәклеген, 
Син бит үзең беләсең. 
 
Яздым оныта күрмә дип, 
Безгә тыныч тормышлар 
Исәнлекләр, бәхет-шатлык 
Һәмдә зур-зур уңышлар. 
 
Балаларга бәхет -тәуфикъ 
Өлкәннәргә сабырлык. 
Акчаларда алып килче, 
Кирәк ярак алырлык. 
 
Язып сорар сүзләр беткәч 
Ябыштырып конвертны. 
Кыш бабайга юлладым мин, 
Шушы язган хатымны. 
 
Үтте микән ике-өч көн, 
Җавап хатларын алдым. 
Аның язган сүзләреннәм 
Мин укып хәйран калдым. 
 
Исәнме дускаем диеп 
Язып куйган башына. 
Җылы хәбәр эзли эзли 
Җиттем хатның астына. 
 
Менә аның язган хатын, 
Сездә укып карагыз. 
Безне ниләр көткәнлеген, 
Үзегездә аңларсыз. 
 
“5 яшькә яшәрттем Сезне, 
Үзеңдәген беләсең. 
Хәзер пенсиягә инде, 
65 тә китәсең. 
 
Газлар, бензин бәяләре, 
Быелда бит артачак. 
Хезмәт хакы, пенсияләр, 
Һаман шулай калачак. 
 
Дисәмдәген дөрес булмас, 
Өстәрләр бер — ике йөз. 
Тагын ике йөз өстәрләр, 
Килеп җиткәч алтын көз. 
 
Түләү кагазьләрен күргәч, 
Күзең булыр маңгайда. 
Алар шулай артып торыр, 
Яңа туган һәр айда. 
 
Ришвәтчелек, гаделсезлек, 
Үзенең юлын яра. 
Шифаханәләрдә хезмәт, 
Һаман түләүле кала. 
 
Тарифлар да бик югары 
Утка, суга, газларга. 
 Миңа бердә кызык түгел, 
Сиңа җавап язарга.” 
 
Укыдым да уйга калып, 
Тордым башымны кашып. 
Тагын җавап сүзе итеп. 
Җибәрдем мин хат язып. 
 
“ Нишлисең бит болар барда, 
Безнең башлардан үткән. 
Пенсиягә дә чыгарбыз, 
Үлми, яшенә җитсәң. 
 
Үзебездә чыксадагын, 
Газы, уты, нефете. 
Күп шул аның эшләмичә, 
Ашаучы эте-бете. 
 
Безнең кебек йөзгә, меңгә 
Алар кәнәгать түгел. 
Эшләми тапкан миллионны, 
Туздыруы бик җиңел. 
 
Белсәләрдә газ, су, утның, 
Кыйммәтле бәяләрен. 
Гади халык түли инде, 
Җыеп бар тиеннзрен. 
 
Сиңа мәгълүмдер Кыш бабай, 
Бездә бит халык тырыш, 
Һәммәсенә дә түзәрбез, 
Тик илләр булсын тыныч. 
 
Балалар исән-сау булсын, 
Бирмә сугыш афәтен. 
Олыгайган көнебездә, 
Күриек бала рәхәтен. 
 
Өстәлләрдә һәрвакытта, 
Ипи белән тоз булсын. 
Дуслар, туганнар килгәндә, 
Ишекләр ачык торсын. 
 
Яман чирләр алып килмә, 
Саклачы үлемнәрдән. 
Иң зур теләгем калды бит: 
Аерма якыннардан. 
 
Һәрвакыт кояш балкысын, 
Чалт аяз күгебездә. 
Төкле аякларың белән, 
Рәхим ит түребезгә.

Рейтинг: +32 229 просмотров
Комментарии (1)
Рифат Низамиев # 7 декабря 2018 в 11:11 0
Хәерле имин еллар килсен!

tatbook.ru