ГлавнаяБЛОГИя и культурный дневникя и культурный дневник

я и культурный дневник

Автор
Опубликовано: 556 дней назад (11 апреля 2016)
Редактировалось: 1 раз — вчера в 01:36
+27
Голосов: 27
Мин укучының мәдәни көндәлеге белән 1 нче сыйныфта укыганда таныштым. Ул вакытта, бу көндәлек, беренче сыйныф укучысының мәдәни көндәлеге дип атала иде.
Мин сайтта уткәрелгән, төрле, бәйгеләрдә катнашырга тырышам. Беренче сыйныфта укыганда 23 нче феврал бәйрәме хөрмәтенә үткәрелгән шигерь язу бәйгесендә катнаштым. 8 нче март хөрмәтенә үткәрелгән рәсем ясау бәйгесендә катнаштым. Бу бәйгеләрдә миңа бәйгедә катнашкан өчен дипломнары килде.
Беренче сыйныф укучысының мәдәни көндәлеге белән, төрле мәдәни урыннарга бару буенча, мин үзебезнең район укучылары арасында беренче урынны яуладым. Безне Казанга “Әкият” курчак театрына алып бардылар, шунда безгэ, истәлекле бүләкләр ( китаплар, диска, кепка һәм диплом) тапшырдылар, курчак театры күрсәттеләр.
Безгә бик ошады, күңелле булды.
Шулай ук безне- беренче сыйныф укычысының мәдәни көндәлегендә җиңучеләрне безнең район башлыгы Зарипов Ильдус Хатипович та котлады, безгә диплом һәм истәлекле бүләкләр тапшырды.
Мин хәзер 2 нче сыйныфта белем алам. Менә икенче елымны мәдәни көндәлек белән сәяхәт итәм. Миңа әнием бик булыша.Күп кенә мәдәни, тарихи, истәлекле урыннарга мине әни белән әти алып бара. Мин китапханәләргә йорергә бик яратам. Мәктәп китапханәсенә, район балалар китапханәсенә, Үзәк бистәсе- авыл китапханәсенә бик ешь йөрим.
Мин китапханәләргә мәдәни көндәлектән башка да йөргән булыр идем дип уйлыйм.
Ә менә музейларга һәм башка истәлекле, тарихи урыннарга, мин шушы мәдәни көндәлек белән танышкач йөри башладым. Шуңа күрә, мин бу мәдәни көндәлекне бик кирәкле, без балалар һәм әти- әниләр өчен бик файдалы дип саныйм.
Без музейларга, истәлекле урыннарга йөреп үзебезнең ата- бабаларыбызның үткәнен, тарихын өйрәнәбез, хәзерге көннәрдә, көн- күрештә күрмәгән, хәттә кибетләрдән, акчага да сатып алып булмаган, күп кенә әйберләрне без музейларда гына күрәбез. Миңа бик ошый. Элек бит күп нәрсәләр, мәсәлән үтюглар да хәзерге кебек булмаган. Чагыштырып карау бик кызык
Мин компьютер аша, бик күп малайлар, кызлар белән таныштым, үземә бик күп дуслар таптым. Без алар белән бер- беребезгә язышабыз, узебезнең фикерләребез белән уртаклашабыз, бер- беребезгә киңәшләр бирәбез. Фоторәсемнәр һәм язмалар аша башка укучыларнын нәрсә белән кызыксынганын, шөгельләнгәнен белеп торабыз. Алардан күп кенә үзебез белмәгәннәрне өйрәнәбез, үзебезнен тәҗрибәбез белән уртаклашабыз.
Без гаилэбез белән төрле мәдәният йортларына – концертларга. Спектакелләргә, төрле бәйрәм чараларына йөрдек.
Безнең Теләчебезнең район булып яңадан торгызылыуна быел 25 ел булды. Теләчебезнең туган көне уңаеннан район мәдәният йортында барлык авыл җирлекләре, районыбызның оешма- предприятияләре катнашында концертлар үкәрелә. Без концертларның берсен дә калдырмыйча диярлек карап барабыз. Бик матур һәм күңелле чыгыш ясыйлар.
Безнең районыбызның барлык авылларын да да, оешма предприятияләрендә дә талантлы, җырга- моңга гашыйк, мәдәни тормыш белән яшәүче , кешеләр яши һәм эшли икән. Барысы да бөтен булган осталыкларын халыкка җиткерәләр.
Куп кенә концертларда гаиләләре белән чыгыш ясаучылар да булды. Алар миңа барсыннан да күбрәк ошады. Кайсыдыр җырлый, кайсыдыр бии, шигерь сөйли ә кайберләре төрле музыка уен коралларында уйнап үзләренең осталыкларын күрсәтте. Бик матур. Балалар да сәнгатькә тартыла. Балалар бакчасына йөрүче балаларнын да чыгыш ясаганын карарга була мондый концертларда.
Мин үзем районыбыз сәнгать мәктәбе катнашкан концертта чыгыш ясадым. Без анда торкемебез белән төрле биюләр биедек. Әти- әниләр, тамашачылар алдында чыгыш ясау бик дулкынландырса да, без бик канәгать калдык үзебезнең чыгышлардан.
Бу концертларга йөреп мин безнең районда мәдәният бик алга киткәненә тагы бер кат инандым. Җитәкчеләребез мәдәниятне алга җибәрү өчен, халыкка районда яшәргә, эшләргә, ял итәргә күңелле булсын өчен бик тырышалар.
Быелгы укучының мәдәни көндәле проектында катнашканда мин бәйгеләрдә дә катнаштым. Беренче бәйге мәдәни көндәлек сайтында иң актив катнашучы балаларны ачыклау бәйгесе булды. Бу бәйге нәтиҗәләре буенча безне- иң активларны Татарстан Президенты яңа ел бәйрәменә чакырдылар. Мин җиңучеләр арасында булуыма бик шатландым. Миңа яңа ел бәйрәме бик ошады. Мин онытылмаслык тәисирләр кичердем.
Икенче бәйге безнең мәдәни кичерешләребезне барлап башкаларга җиткерү булды. Бу бәйгедә мин хөкемдарлар мәһабәтен яуладым. Миңа диплом бирделэр һәм татар нәшрияте бастырып чыгарган китапларны сатып алу өчен 500 сумлык сертификат белән бүләкләделәр.
Аннары рәсем ясау бәйгесендә катнаштым. Анда нәсел угын ясарга кирэк иде. Мин рәсем ясап җибәрдем.
Бу бәйге нәтиҗәләре буенча миңа, бәйгедә катнашучы дипломы җибәрделәр.
Алдагы бәйге безнең язгы каникуллар алдыннан игълан ителде. Ул “Иң яхшы мәдәни каникуллар” дип аталды. Анда каникул вакытында мәдәни урыннарда булып, шулар хакында язма язып җибәрергә кирәк иде. Бу бәйгегә дә үземнең язмамны җибәрдем. Нәтиҗәләр әле билгеле түгел.
Мәктәп укучысынын мәдәни көндәлеге проекты, балаларны һәм аларнын әти-әниләрен, мәдәнияткә тарту өчен бик кирәкле проект дип саныйм мин.
Мин бу проект башка елларда да булсын иде. Балалар бу поектта күбрәк катнашсыннар иде дип телим.
308 просмотров
Комментарии (27)

tatbook.ru